SIP म्हणजे काय: आज आपल्या देशातील प्रत्येक नागरिक निवृत्ती, शिक्षण आणि विवाह याविषयी चिंतेत आहे, आणि त्याला मिळणारे पेमेंट खूपच कमी असल्याने तो त्याच्या गरजा पूर्ण करू शकत नाही.
त्यामुळे त्याच वेळी जर तुम्ही तुमचे पैसे योग्य पद्धतीने गुंतवले तर तुम्हाला भविष्यात अडचणीचा सामना करावा लागणार नाही. यासाठी SIP हा तुमच्यासाठी सर्वोत्तम पर्याय मानला जातो. SIP मध्ये गुंतवणूक करणे म्हणजे म्युच्युअल फंडमध्ये गुंतवणूक करणे.
तुम्ही SIP मध्ये 100 ने सुरुवात करू शकता आणि येणाऱ्या काळात तुम्हाला लाखो रुपये मिळू शकतात. एसआयपीमध्ये तुम्हाला निश्चित परतावा मिळत नाही आणि निश्चित परतावा मिळत नसल्यामुळे, बरेच लोक त्यात गुंतवणूक करण्यास घाबरतात, आणि ते त्यांची संपूर्ण कमाई LIC, FD सारख्या योजनांमध्ये गुंतवतात, आणि त्यांना 20-25 वर्षांनी खूप कमी पैसे मिळतात, त्यामध्ये ते त्यांच्या गरजा पूर्ण करू शकत नाहीत.
काही लोक फिक्स रिटर्न्ससाठी आपले पैसे बँकेत एफडी म्हणून ठेवतात. त्यामुळे त्यांना त्यांच्या ध्येयानुसार पैसे मिळू शकत नाहीत, तर त्याच वेळी SIP मध्ये गुंतवणूक करणे हा तुमच्यासाठी सर्वोत्तम पर्याय मानला जातो. SIP म्हणजे काय, SIP मध्ये गुंतवणूक कशी करायची, SIP चे फायदे आणि नुकसान काय आहेत, SIP कशी काम करते हयाविषयी आपण डीटेलमध्ये पाहणार आहोत.
SIP म्हणजे काय आहे?
SIP चा अर्थ आहे सिस्टिमॅटिक इन्व्हेस्टमेंट प्लॅन, म्हणजेच तुम्ही दरमहा थोड्या प्रमाणात गुंतवणूक करू शकता. तुम्ही दर महिन्याला SIP मध्ये किंवा एकरकमी किवा 100 रुपयांपासून गुंतवणूक करायला सुरुवात करू शकता आणि 25 ते 30 वर्षांत तुम्हाला लाखो रुपयांचा परतावा मिळू शकतो.
तुम्ही तुमचे पैसे SIP मध्ये दोन प्रकारे गुंतवू शकता, एक ब्रोकरद्वारे आणि दुसरा थेट AMC मार्फत. SIP मध्ये थेट गुंतवणूक करून, तुम्ही 20 ते 25 वर्षात 15-20 लाख रुपये वाचवू शकता.
वरील फोटोमध्ये मी तुम्हाला 30 वर्षांनंतर दरमहा 100 रुपये गुंतवल्यानंतर किती परतावा मिळतो ते सांगितले आहे. तुम्ही दर महिन्याला एसआयपीमध्ये 5000 रुपये गुंतवल्यास 30 वर्षांनंतर तुम्हाला 3 कोटी रुपये मिळू शकतात.
एसआयपी हा तुमच्या सेवानिवृत्तीसाठी गुंतवणूक करण्याचा सर्वोत्तम पर्याय मानला जातो. तुम्ही दीर्घकाळ एसआयपीमध्ये गुंतवणूक केल्यास तुमची जोखीम शून्य होते.
तुम्ही 1-2 वर्षांसाठी SIP मध्ये गुंतवणूक करू शकत नाही, यामध्ये तुम्हाला परतावा कमी किवा मायनस मध्ये दिसू शकतो. तुमचे वय 25-30 वर्षांपर्यंत असेल आणि तुम्हाला कमी पेमेंट मिळत असेल, तर तुम्ही SIP द्वारे दरमहा 5000 रुपये गुंतवू शकता.
SIP कसे काम करते.
जेव्हा तुम्ही एसआयपीमध्ये पैसे गुंतवता तेव्हा हे पैसे एयूएम (अॅसेट मॅनेजमेंट कंपनी) म्हणजेच एसबीआय म्युच्युअल फंड सारख्या म्युच्युअल फंड मध्ये जातात. सुरुवातीला तुम्हाला AUM कडून फोलिओ क्रमांक मिळतो. त्यानंतर एयूएम तुम्हाला गुंतवलेल्या पैशाची युनिट देते, तुम्ही त्याला एनएव्ही (नेट अॅसेट व्हॅल्यू) म्हणू शकता.
AUM कंपनी तुमच्यासारख्या हजारो लोकांचे पैसे घेते आणि हे पैसे एकत्र करून चांगल्या स्टॉक मध्ये निवेश करते. जसे जसे स्टॉक ची किमत वाढते. तसे तुमच्या NAV ची किमत वाढते, आणि त्यामुळे तुम्ही गुंतवणूक केलेले पैसे ह्याची किमत वाढत जाते.
SIP मध्ये धोका काय आहे?
म्युच्युअल फंडातील एसआयपीमध्ये विविध प्रकारचे धोके दिसतात. यामध्ये तुम्ही कोणत्या म्युच्युअल फंडात गुंतवणूक करता, त्यावर तुमची जोखीम अवलंबून असते. जर तुम्ही म्युच्युअल फंडात थोड्या काळासाठी गुंतवणूक केली तर तुमची जोखीम वाढते, जर तुम्ही म्युच्युअल फंडात दीर्घकाळ एसआयपी करत असाल तर तुमची जोखीम नगण्य आणि कमी होती.
तुम्हाला म्युच्युअल फंडातील दुसरी जोखीम पहायला मिळते, ज्यामध्ये तुम्ही गुंतवणूक करत आहात त्या AUM मध्ये. आज भारतात अनेक म्युच्युअल फंड उपलब्ध आहेत. तुम्ही SBI, Nippon, TATA, ICICI इत्यादीसारख्या चांगल्या म्युच्युअल फंडात तुमची SIP करत असाल तर तुमचा दोखा कमी होतो.
SIP मध्ये तुम्ही एकावेळी भरपूर पैसे टाकता आणि त्यानंतर काही वर्षांनी जर मार्केट पूर्णपणे घसरले तर तुमचे पैसे कमी होतात, हे पैसे 50% ने कमी होतात. या भीतीपोटी तुम्ही तुमचे पैसे काढता. त्यामुळेच SIP मध्ये एकरकमी पैसे टाकणे धोक्याचे ठरते.
एक किंवा दोन वर्षांसाठी तुमचे टार्गेट पूर्ण करण्यासाठी तुम्ही म्युच्युअल फंडात पैसे ठेवले तर तुम्ही म्युच्युअल फंडात मोठी जोखीम पत्करता. म्यूचुअल फंड मध्ये SIP करताना कधीही 5 वर्षा पेक्षा कमी कालावधीसाठी करू नये.
SIP चे फायदे काय आहेत.
SIP करण्याचे अनेक फायदे आहेत. तुम्ही सुरुवातीला वाचल्याप्रमाणे, तुम्ही यामध्ये दीर्घकाळ गुंतवणूक केल्यास तुम्हाला चांगला परतावा मिळतो.
SIP मध्ये कमी जोखीम असते : SIP करत असताना तुम्ही दरमहा एक रक्कम गुंतवता. त्यामुळे कधी बाजार उच्च पातळीवर राहतो, तर कधी बाजार खालच्या पातळीवर राहतो. त्यामुळे तुमची रक्कम अॅवरेज मध्ये राहते व तुमची जोखीम कमी होते.
चक्रवाढीचा फायदा: म्यूचुअल फंड मध्ये तुम्ही SIP मार्फत 5 हजार रुपये 10 वर्षासाठी गुंतवणूक केल्यास तुम्ही 6 लाख रुपये गुंतवता आणि 12% रिटर्न ह्या प्रमाणे 5.5 लाख रुपये परतावा मिळतो, म्हणजेच तुमचे एकूण 11.5 लाख रुपये जमा होतात. नंतर तुम्ही तसेच आणखी 10 वर्षासाठी गुंतवणूक करत राहिल्यास तुम्हाला 11.5 लाख रुपयावरुन रिटर्न 12% ह्या प्रमाणे मिळतो, ह्यामुळे तुम्हाला चक्रवाढीचा फायदा SIP मध्ये पाहायला मिळतो.
थेट बँक खात्यातून पैसे कापतात: तुम्ही एसआयपीमध्ये गुंतवणूक करण्यासाठी वापरत असलेल्या अॅप्लिकेशनच्या वॉलेटमध्ये पैसे जमा करण्याची गरज नाही. तुमचे पैसे थेट बँक खात्यातून कापले जातात.
एसआयपीमध्ये चांगला परतावा: एसआयपीमध्ये तुम्हाला दीर्घ कालावधीनंतर चांगला परतावा मिळतो. जर तुम्हाला एसआयपीमध्ये 12% ते 15% परतावा मिळत असेल, तर तुम्ही दर महिन्याला एसआयपीमध्ये 10-15 हजारांची गुंतवणूक केली तर 30 वर्षांनंतर तुम्हाला किमान 5 कोटी रुपयांचा परतावा मिळू शिकतो.
निवृत्तीच्या वेळी फायदे: SIP मध्ये तुम्ही 15 वर्षासाठी 15 हजार रुपये गुंतवणूक केली तर तुम्हाला 15 वर्षात 1 कोटी रुपये रिटर्न म्हणून भेटू शकतात, आणि तेच 15 हजार तुम्ही 30 वर्षासाठी गुंतवणूक केल्यास तुम्हाला 5 कोटी रुपये पेक्षा जास्त रिटर्न पाहायला मिळतात. म्हणजेज तुम्हाला रिटायरमेंट साठी वेगळी प्लॅनिंग करण्याची गरज पडत नाही.
SIP चे तोटे
एसआयपीमध्ये तुम्हाला बाजारानुसार परतावा मिळतो. भारतीय शेअर बाजार खूप अस्थिर आहे, त्यामुळे तुम्हाला SIP मध्ये जास्त किंवा कमी परतावा मिळू शकतो. त्यानंतर तुम्हाला एसआयपीमध्ये एक्सपेन्स रेशो, एक्झिट लोड कमी होणे, लॉक इन पीरियडचे नुकसान हे बघायला मिळते.
इमर्जन्सी फंड: जर तुम्हाला आपत्कालीन परिस्थितीत पैशांची गरज असेल तर एसआयपीमध्ये पैसे काढणे तुमच्यासाठी खूप अवघड आहे. त्याच वेळी, जर बाजार खाली असेल, तर तुमचा परतावा कमी असू शकतो, मग तुमचे पैसे काढणे तुमच्यासाठी नुकसानीचे ठरते.
निश्चित परतावा: तुम्ही तुमचे पैसे एलआयसी सारख्या योजनेत ठेवताच, तुम्हाला निश्चित परतावा मिळू शकतो. परंतु तुम्ही SIP मध्ये कोणतेही निश्चित परतावा मिळत नाही.
महागाईचे तोटे: आज 1 लाखाची किंमत 30 वर्षांत तुम्हाला मिळणार नाही. त्यामुळे एसआयपीमध्ये गुंतवणूक करताना तुम्ही महागाईचा दर लक्षात घेऊन गुंतवणूक केली नाही, तर तुम्हाला मिळणाऱ्या परताव्याचा कमी फायदा दिसू शकतो.
SIP मध्ये गुंतवणूक कशी करावी?
एसआयपीमध्ये गुंतवणूक करण्याचे दोन मार्ग आहेत, एक तुम्ही ब्रोकरद्वारे एसआयपीमध्ये तुमचे पैसे गुंतवू शकता आणि दुसरे तुम्ही थेट डीमॅट खात्याद्वारे म्युच्युअल फंडांमध्ये एसआयपी करू शकता.
जेव्हा तुम्ही ब्रोकरकडून गुंतवणूक करता तेव्हा तो ब्रोकर तुमच्याकडून एकही पैसा घेत नाही, परंतु तो ब्रोकर तुम्हाला रेग्युलर प्लान देतो, ज्यामध्ये Expense Ratio जास्त असते. त्यामुळे या कारणास्तव तुम्हाला रेग्युलर प्लान मध्ये कमी परतावा मिळू शकतो.
एसआयपीमध्ये दोन प्रकारच्या योजना आहेत, एक डायरेक्ट म्यूचुअल फंड आणि दुसरा रेग्युलर. डायरेक्ट प्लॅनमध्ये खर्चाचे प्रमाण कमी राहते, कारण त्यात तुम्हाला ब्रोकरला पैसे देण्याची गरज नाही. परंतु डायरेक्ट प्लॅन खरेदी करण्यासाठी तुम्हाला ब्रोकर किवा थेट AMC कडे जाण्याची आवश्यकता असते, येणार्‍या दिवसात ब्रोकर तुमच्याकडून कोणतेही शुल्क देखील घेऊ शकतात.
डायरेक्ट प्लॅन्स खरेदी करण्यासाठी तुमच्याकडे विविध प्रकारची डीमॅट खाती आहेत, ज्यामधून तुम्ही म्युच्युअल फंडांमध्ये SIP करू शकता, जसे की Groww, Zerodha, upstock, paytm, ET Money, इ. ब्रोकर तुम्हाला डायरेक्ट म्यूचुअल फंड फ्री मध्ये देतात.
म्युच्युअल फंड मध्ये डायरेक्ट प्लान खरेदी करण्याचा सर्वोत्तम पर्याय म्हणजे mf Central ची वेबसाइट किंवा अॅप्लिकेशन, ते पूर्णपणे विनामूल्य आहे आणि तुम्ही तुमच्या डीमॅट खात्याद्वारे जे काही म्युच्युअल फंड खरेदी केले आहेत, ते तुम्हाला ह्या वेबसाइटवर दिसतील. आणि मुख्य म्हणजे तुमचे डीमॅट खाते बंद झाल्यास, तुम्ही mf सेंट्रलद्वारे तुमची SIP सुरू ठेवू शकता.
एसआयपीसाठी कागदपत्रे
आपण वरती SIP म्हणजे काय आणि त्यात कशी गुंतवणूक करावी याबद्दल माहिती घेतली. आता म्युच्युअल फंडमध्ये एसआयपी सुरू करण्यासाठी आवश्यक असलेल्या कागदपत्रांबद्दल जाणून घेऊ.
एसआयपी सुरू करण्यासाठी तुम्हाला तुमचे आधार कार्ड मोबाईल नंबरशी लिंक करावे लागेल.
- आधार कार्ड
- पॅन कार्ड
- बँक खाते
- चेक बुक
SIP मध्ये NAV म्हणजे काय?
NAV म्हणजे नेट अॅसेट व्हॅल्यू. जेव्हा कोणी म्युच्युअल फंडात पैसे गुंतवते, तेव्हा तुम्हाला या पैशाच्या NAV मूल्याद्वारे परतावा मिळतो. तुम्ही SIP मध्ये पैसे टाकता तेव्हा तुम्हाला NAV च्या मूल्यानुसार युनिट्स मिळतात.
तुम्ही म्युच्युअल फंडात 1000 रुपये ठेवले आणि त्या म्युच्युअल फंडाचा एनएव्ही दर 50 रुपये आहे, तर तुम्हाला (1000/50) 20 युनिट्स मिळतील. सुरुवातीला म्युच्युअल फंड त्यांचे NAV 10 रुपये पासून सुरू करतात आणि नंतर त्याचे मूल्य बाजारातील परताव्यानुसार वाढत जाते.
SIP मध्ये किती परतावा मिळतो.
लार्ज कॅप, मिड कॅप, स्मॉल कॅप, फ्लेक्सी कॅप इ. मध्ये SIP मध्ये म्युच्युअल फंडांच्या विविध श्रेणी उपलब्ध आहेत. जर तुम्ही तुमचे पैसे स्मॉल कॅपमध्ये 15-20 वर्षांसाठी गुंतवले तर तुम्हाला उत्कृष्ट परतावा मिळेल.
वर तुम्ही स्मॉल कॅप म्युच्युअल फंडांचे मागील १० वर्षांचे परतावे फोटोमध्ये दाखवले आहेत. तर तुम्हाला या श्रेणीमध्ये 20% परतावा मिळाला आहे. मिड कॅप फंडाने तुम्हाला 18%, लार्ज कॅपने 13% आणि फ्लेक्सी कॅप फंडाने 15% परतावा दिला आहे.
त्यामुळे त्यानुसार तुम्ही तुमचे पैसे योग्य पद्धतीने SIP मध्ये गुंतवू शकता.
सर्वोत्तम SIP कोणती आहे?
तुम्हाला म्युच्युअल फंडामध्ये ज्या कालावधीसाठी एसआयपी करायची आहे त्यानुसार तुम्ही चांगली एसआयपी शोधू शकता. तुम्हाला गेल्या 10 वर्षांपासून स्मॉल कॅप म्युच्युअल फंडाचा परतावा दाखवण्यात आला आहे. तर तुम्हाला या श्रेणीमध्ये 20% परतावा मिळाला आहे. मिड कॅप फंडाने तुम्हाला 18%, लार्ज कॅपने 13% आणि फ्लेक्सी कॅप फंडाने 15% परतावा दिला आहे.
जर तुम्ही दीर्घ कालावधीसाठी गुंतवणूक करत असाल तर तुम्ही स्मॉल कॅपमध्ये जास्तीत जास्त पैसे गुंतवले पाहिजेत. पण तुम्ही स्वतः निर्णय घ्या, मला गुंतवणूक करण्याचा सल्ला नाही.
